पत्नीमाथि टुनामुना गरेर गर्भ तुहाएको भन्दै भाउजूको हत्या

सञ्जयले ६० वर्षीया भाउजू शिलादेवी झाको टाउकोमा हथौडा प्रहार गरेको प्रहरीले बताएको छ। भाउजु शिलादेवीले आफ्नी पत्नी रिङ्कुदेवी झालाई डेढ महिनाअघि टुनामुना गरेर केरा खान दिएको र केरा खाएपछि गर्भ तुहिएको अशंकामा गत बिहीबार सञ्जयकुमारले भाउजु मारेको प्रहरीले जनाएको छ।

भाउजूलाई मारेर जनकपुर भागेका युवकलाई जिप्रका महोत्तरीले पक्राउ गरेको थियो। जिल्ला प्रहरी कार्यालय महोत्तरीका प्रहरी उपरीक्षक दिनेशकुमार आचार्यले आज पत्रकार सम्मेलन गर्दै जानकारी दिएका हुन्। हत्यारालाई पनि पत्रकार सम्मेलनमा सार्वजनिक गरिएको थियो। प्रहरीले उनीमाथि कर्तव्य ज्यान मुद्दा चलाएर आवश्यक अनुसन्धान अगाडि बढाएको छ। रासस