काठमाडौं । पाकिस्तानमा अमेरिका र इरानबीच युद्धविराम वार्ता आज (शुक्रबार) र भोलि शनिबार हुँदैछ ।
रोयटर्सका अनुसार वार्ता पाकिस्तानको राजधानी इस्लामाबादको सेरेना होटलमा हुन लागेको हो । अमेरिकी प्रतिनिधिमण्डल आज इस्लामाबाद आइपुग्नेछ । इरानी प्रतिनिधिमण्डल इस्लामाबाद आइपुगिसकेको छ ।
अमेरिकी उपराष्ट्रपति जेडी भान्सले बैठकमा अमेरिकी टोलीको नेतृत्व गर्नेछन्, जसमा अमेरिकी विशेष दूत स्टिभ विटकफ र राष्ट्रपति डोनाल्ड ट्रम्पका ज्वाइँ जेरेड कुशनर पनि सामेल हुनेछन् ।
इरानी मिडियाका अनुसार संसदका सभामुख मोहम्मद बाघेर गालिबाफले इरानको प्रतिनिधित्व गर्नेछन् ।
यसैबीच, पाकिस्तानी सरकारले वार्ता कार्यक्रम अघि सुरक्षा कारणले इस्लामाबादमा दुई दिनको सार्वजनिक बिदा घोषणा गरेको छ ।
