काठमाडौं । ओमानमा आजदेखि एसीसी प्रिमियर कप क्रिकेट प्रतियोगिता हुँदै छ । प्रतियोगिताका लागि नेपालले भारतको गुजरातमा अभ्यास गरेर ओमान पुगेको हो । टी २० फर्म्याटमा हुने प्रतियोगिता अन्तर्गत आज नेपाली समय अनुसार अपरान्ह सवा ४ बजे नेपालले मलेसियासँग खेल्दै प्रिमियर कपको यात्रा सुरु गर्ने छ ।

प्रिमियर कपमा सहभागि ८ एसोसियट्स र एसीसी च्यालेन्जकपको फाइनलमा पुगेका २ गरी १० देशले प्रतिस्पर्धा गर्दै छन् । एशोसिएट्सबाट नेपालसहित ओमान, हङकङ, युएई, कतार, बहराइन, कुवेत र मलेसिया रहेका छन् । यसैगरी एसीसी च्यालेन्ज कपको फाइनल पुगेका साउदी अरेबिया र कम्बोडियाले पनि प्रतिस्पर्धा गर्ने छन् ।

प्रिमियर कपको विजेताले २०२५ मा हुने एसियाकप खेल्न पाउने छ । १० टिमलाई २ समूहमा विभाजन गरिएको छ । नेपालको समूहमा मलेसियासहित कतार, हङकङ र साउदी अरेविया रहेका छन् ।

नेपालले शनिबार कतारसँग खेल्दा सोमबार हङकङसँग खेल्ने छ । त्यसैगरी बुधबार समूह चरणको अन्तिम खेलमा साउदी अरेबियासँग खेल्ने छ । शीर्ष २ मा रहने टोलीले सेमिफाइनलमा स्थान पक्का गर्ने छन् ।


सम्बन्धित खवर