काठमाडौं, २३ मंसिर । जारी दोस्रो संस्करणको नेपाल प्रिमियर लिग (एनपीएल)मा आज पहिलो क्वालिफायर खेल हुँदैछ ।
त्रिवि अन्तर्राष्ट्रिय क्रिकेट रङ्गशालामा दिउँसो ४ बजे हुने खेलमा सुदूरपश्चिम रोयल्स र विराटनगर किङ्सबीच प्रतिस्पर्धा हुनेछ ।
सुदूरपश्चिम अंक तालिकाको शीर्ष र विराटनगर दोस्रो स्थानमा पुगेर पहिलो क्वालिफायर खेल्ने लागेका हुन् ।
आजको विजेताले सिधै फाइनलमा स्थान बनाउनेछ भने पराजित टोलीले दोस्रो क्वालिफायरमा इलिमिनेटरको विजेता लुम्बिनी लायन्स र काठमाडौं गुर्खाजमध्ये एक टोलीसँग खेल्नेछ ।
