काठमाडौं, २५ मंसिर । विराटनगर किंग्सलाई पराजित गर्दै लुम्बिनी लायन्स दोस्रो सिजनको नेपाल प्रिमियर लिगको फाइनलमा प्रवेश गरेको छ ।
आज त्रिवि क्रिकेट मैदानमा भएको खेलमा विराटनगरलाई ४० रनले पराजित गर्दै लुम्बिनी फाइनलमा प्रवेश गरेको हो ।
लुम्बिनीले दिएको १३५ रनको लक्ष्य पछ्याएको विराटनगर १७ ओभर ५ बलमा ९४ रनमा समेटियो । विराटनगरका लागि साम हिजलेटले सर्वाधिक ३४ रन बनाए ।
लुम्बिनीले अब उपाधिका लागि शनिबार सुदूरपश्चिम रोयल्ससँग खेल्नेछ ।
